د زندانونو چارو د سمون ادارې د پالېسۍ او مسلکي چارو مرستیال د کابل ولایت د ماشومانو د اصلاح او روزنې په مرکز کې ا.ا.ا یو شمیر مسوولینو سره د سوالګرو د راټولولو بهیر په تګلاره بحث وکړ

د زندانونو چارو د سمون ادارې د پالېسۍ او مسلکي چارو مرستیال محترم قاري عبدالله "همدرد"، د کورنیو چارو وزارت د مخدره توکو سره د مبارزې مرستیال مولوي عبدالحق "همکار"، د سرې میاشتې عمومي ریاست اداري او مالي مرستیال محترم مولوي نورالدین "ترابي"، د ماشومانو د اصلاح او روزنې مرکز رئیس محترم مولوي نظر محمد "ناصري"، د عدلیې، شهدا او معلولینو، کډوالو او بېرته راستنېدونکو چارو او د کار او ټولنېزو چارو، وزارتونو ځینو مسوولینو د کابل ولایت د ماشومانو د اصلاح او روزنې مرکز په جوړه شوې غونده کې د ا.ا.ا عاليقدر مشرتابه (حفظه الله) د فرمان په اساس چې په هغه کې د هېواد له ګڼ شمېر ولایتونو څخه د سوالګرو راټولول شامل وو، په دې اړه په ګډو خبرو کې د یاد بهير په تګلارو بحث وکړ.
داراز، په دې اړه په جوړه شوې غونډه کې د یادو مسوولینو له لوري پرېکړه وشوه چې په راتلونکې ناسته کې به د یو منظم پلان له مخې د سوالګرو د راټولولو د بهير په تګلاره کې د بدلون پر بنسټ د مستحقو او حرفوي سوالګرو تر منځ د بیلوالي په اساس به د هغوی له جملې، اړمنو سره په منظم ډول مرسته او همکاري وشي. 

جمادي الاول ۲/ ۱۴۴۵
د مقام د دفتر ریاست
د اطلاعاتو او عامه اړیکو امریت