د زندانونو چارو د سمون ادارې عمومي رئیس د دې ادارې د وسایطو د ترمیم له تخنیکي ورکشاپ څخه ليدنه وکړه
د زندانونو چارو د سمون ادارې عمومي رئیس محترم الحاج مولوي محمد یوسف "مستري" د یادې ادارې د نظامي چارو د معاونیت د ارکان رئیس محترم الحاج پاسوال اسدالله "مولانا"، دڅارنې او ارزونې رئیس محترم مولوي عبدالشکور "طیب" او شمېر نورو مسوولینو په ملتیا د دې لیدنې پرمهال، په نوموړي ورکشاپ کې د وسایطو د ترمیم د څرنګوالي په اړه له اړوندو مسوولینو او تخنیکي او فني کارکوونکو سره خبرې وکړې، د هغوی ستونزې او غوښتنې یې واوریدې او د حل په موخه یې اړوندو مسوولینو ته لازمې سپارښتنې وکړې.
دا راز، محترم الحاج مولوي محمد یوسف "مستري" زیاته کړه چې د دې ورکشاپ کارکوونکي باید د ادارې د وسایطو د ترمیم لپاره خپلې هڅې لا ګړندۍ کړي، څو په ټرانسپورټي برخه کې خنډ رامنځته نه شي او چارو ته پر وخت رسېدنه وشي او له لږو امکاناتو څخه ډېره ګټه پورته شي، چې نوموړو کارکوونکو د ادارې عمومي رئیس ته پر یادو لارښوونو د عمل کولو ژمنه وکړه.
صفر المظفر ۲۹/ ۱۴۴۶
د مقام د دفتر ریاست
د اطلاعاتو او عامه اړیکو امریت
