د زندانونو چارو د سمون ادارې عمومي رئیس په مشرۍ پلاوي فاریاب ولایت د زندان څخه لیدنه وکړله
د زندانونو چارو د سمون ادارې عمومي رئیس محترم الحاج مولوي محمد یوسف"مستري"په داسې حال کې، چې د بلخ ولایت ښاروال محترم حافظ عبد الرحمن "همت"، د یاد زندان رئیس محترم الحاج مولوي محمد موسی "ایمل" او د نوموي ولایت د علماوو شورا رئیس محترم شېخ عبد الجلیل "شهید خیل " هم ورسره وه، فاریاب ولایت د زندان وضعیت یې و ارزاوه او له مسوولینو سره یې هم پر اړوندو مسایلو خبرې اترې وکړې.
داراز، محترم الحاج مولوي محمد یوسف مستري په مشرۍ پلاوي د دغه ولایت د زندان له زندانیانو سره ولیدل او هغوی ورته د خپل حالت او د زندان د مسوولینو له خوا د مناسبو خدمتونو وړاندې کولو په اړه معلومات ورکړل او هم یې ځینې غوښتنې لرلې، چې د پلاوي له لورې اړوندو مسوولینو ته سپارښته وشوه څو د هغوی ستونزو او غوښتنو ته رسېدنې وکړي.
په ورته مهال، د ادارې عمومي رئیس د دې زندان د ښوونې او بیا روزنې، ډوډۍ او خوړو پخولو، اباتې، د برېښنايي خدماتو وړاندې کولو، تعمیراتي او روغتیايي چارې له نږدې وارزولې او د هغو لا ښه والي او شتو ستونزو د هواري په موخه یې اړوندو مسوولینو ته لازمې سپارښتنې وکړې.
د زندانونو چارو د سمون ادارې رئیس محترم مولوي الحاج محمد یوسف مسترۍ په مشرۍ پلاوي د دغه زندان د امنیتي ټاورونو، قراولونو، امنیتي پوستو او نورو برخو څخه لیدنه وکړله او د امنیتي تدابیرو لا ښه والي لپاره یې اړوندو مسوولینو ته لازمې سپارښتنې وکړې.
رمضان المبارک ۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
