د زندانونو چارو د سمون ادارې له خوا د اداري فساد پر وړاندې د مبارزې د عمل پلان جوړ شو
دغه پلان چې نن(یکشنبې) د نوموړې ادارې د مسلکي او پالېسۍ د مرستيال محترم قاري عبداللہ "همدرد" او د مرکزي برخو ډېر شمېر رئیسانو په ګډون د يوې جوړې شوې غونډې پرمهال له برخوالو سره شريک شو.
په دې غونډه کې، محترم قاري عبدالله"همدرد" يادو رئیسانو ته دنده ورکړه، څو نوموړی پلان په کره توګه مطالعه او د ښه والي لپاره يې خپل نظريات او وړانديزونه له مربوطه رياست سره شريک کړي.
په ورته مهال، د غونډې برخوالو رئیسانو د دغه پلان جوړول، له اداري فساد سره د مبارزې لپاره يو غوره ګام ياد کړ او له خپله اړخه يې د عملي کېدو ژمنه وکړه.
د يادونې وړ بولو، چې څه موده وړاندې د ا.ا د چارو ادارې له خوا د يوه رسمي مکتوب له مخې، د زندانونو چارو د سمون ادارې ته د اداري فساد پر وړاندې د مبارزې د عمل پلان جوړولو سپارښتنه شوې وه.
جمادي الاول ۱۰/ ۱۴۴۴
د اطلاعاتو او عامه اړيکو رياست
