د زندانونو چارو د سمون ادارې یوه پلاوي د کابل له نشه يي توکو سره د مبارزې توقيفخونې څخه ليدنه وکړه
د زندانونو چارو د سمون ادارې د مقام د سلاکار محترم مولوي اسدالله "مولانا" په مشرۍ او د ادارې د ارشاد او دعوت رئیس محترم مولوي صدیق الله "صدیقي" په ګډون یو پلاوی د کابل ولایت له نشه يي توکو سره د مبارزې توقیفخونې ته ولاړ او هلته یې له مسوولينو او پرسونل سره په خبرو کې پر مربوطه موضوعګانو بحث وکړ.
په ورته وخت کې یاد پلاوي د نوموړې توقیفخونې له توقیفیانو سرههم ولیدل، هغوی ورته د مسوولینو له خوا د ښه چلند په اړه دخوښۍ په څرګندولو سره خپلې ستونزې او غوښتنې بیان کړې چې د پلاوي له لورې ورسره ژمنه وشوه څو یې د حل لپاره د ادارې رهبري پرې خبره کړي.
همداشان، پلاوي د دغې توقيفخونې بېلابېلې برخې وارزولې او ځینو ستونزو ته د رسېدنې لپاره یې اړوندو مسوولینو سره سلا مشورې وکړې.
شعبانالمعظم ۱۹/ ۱۴۴۴
د مقام د دفتر ریاست
د اطلاعاتو او عامه اړیکو امریت
