د میدان وردګو ولایت د سیداباد ولسوالۍ توقیفخونه بیرته فعاله شوه
د زندانونو چارو د سمون ادارې د عمومي رئیس محترم مولوي محمد یوسف "مستري" په سپارښتنه او اړتیا ته په کتو سره سم، د میدان وردګو ولایت د زندان امر محترم مولوي صلاح الدین په هڅو د دې ولایت د سیداباد ولسوالۍ توقیفخونه د څو کلن ځنډ وروسته بیرته فعاله او ګټې اخیستنې ته و سپارل شوه.
داراز، د محترم مولوي صلاح الدین په وینا؛ د یادې توقیفخونې د بیا رغونې چارې په ښه او معیاري توګه بشپړې شوې چې له دې سره به د نوموړې ولسوالۍ د توقیفیانو ستونزې هوارې او چارو ته به یې پر وخت رسېدنه وشي.
په ورته وخت کې نوموړي زیاته کړه چې تر دې وړاندې د یادې ولسوالۍ توقیفیان د میدان وردګو ولایت مرکزي توقیفخونې ته رالېږدول او ساتل کېدل چې د یادې توقیفخونې د بیا فعالیت سره دا ستونزه حل او د توقیفیانو لپاره به لازمې اسانتیاوې رامنځ ته شي.
ذوالحجه ۲۱/ ۱۴۴۴
د مقام د دفتر ریاست
د اطلاعاتو او عامه اړیکو امریت
