د ننګرهار ولایت په زندان کې د زندانیانو ترمنځ د سورت یاسین سیالۍ پای ته ورسېده
د ننګرهار ولایت د زندان مسوولینو په وینا، د دې ولایت په زندان کې د زندانیانو ترمنځ د سورت یاسین سیالۍ چې د یاد زندان د ښوونې او بیا روزنې او د دعوت او ارشاد امریتونو له لورې په لاره اچول شوې وه د یولړ مراسمو په ترڅ کې پای ته ورسېده.
په دې اړه جوړو شویو مراسمو کې چې د دې ولایت د زندان رئیس محترم مولوي محمد مقتدا "حفیظ الله" او یو شمېر نورو مسوولینو او علماوو برخه لرله، د سورت یاسین زده کړې او دغه ډول روزونکو برنامو په ارزښت یې خبرې وکړې.
داراز، محترم مولوي حفیظ الله د یادې سیالۍ ګډونوالو ته په خپلو خبرو کې وویل، کوښښ کوي چې په راتلونکې کې ورته نورې ښوونېزې ګټورې برنامې هم په لاره واچوي څو زندانیان په دیني زده کړو او قرآني ارزښتونو باندې پوه او روحي تسکین ترلاسه کړي.
همدا راز، د یادې سیالۍ ویناوالو د دې زندان له رهبرۍ څخه مننه وکړه چې زندانیانو ته دغه ډول ګټورې برنامې یې په لاره اچولي او په راتلوونکې کې یې د دغه شان با ارزښته برنامو پر دوام ټینګار وکړ.
جمادي الاول ۱۰/ ۱۴۴۶
د مقام د دفتر ریاست
اطلاعاتو او عامه اړیکو امریت
