د پکتیا ولایت په زندان کې د پرسونل لپاره د قران کریم د ترجمې دوره پیل شوه
دغه دوره، د زندانونو چارو د سمون ادارې د رهبرۍ په سپارښتنه او د یاد ولایت د زندان د مسوولینو په هڅو چې د ادارې د تجربه لرونکو دیني عالمانو له خوا به پرمخ وړل کېږي، پیل شوه.
د پکتیا ولایت د زندان مسوولینو پرسونل ته د دې پروګرامونو د جوړولو موخه، د قران کریم په ترجمې د پوهې ترڅنګ، په دیني او اسلامي فکر او روحیې د دوی سمبالول يادوي.
همدا راز، د نوموړې دورې ګډونوالو د قران کریم د ترجمې د دورې پر پیلېدو خوښي وښوده او له مسوولينو څخه یې په دې زندان کې د دا ډول نورو ګټورو پروګرامونو د عملي کولو غوښتنه وکړه.
شعبان المعظم- ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
