د چارو ادارې د یوه پلاوي له خوا د زندانونو چارو د سمون ادارې اړوندو برخو مسوولینو ته د (HRMIS) سيسټم د ښه کارونې په اړه معلومات ورکړل

د ا.ا.ا. د چارو ادارې یوه پلاوي چې مشري یې محترم محمدصمیم بهرام کوله نن(یکشنبې) د یوې غونډې په ترڅ کې، چې د زندانونو چارو د سمون ادارې د مالي او اداري عمومي رئیس محترم مولوي عبدالهادي "مالي اخندزاده"، د بشري سرچینو رئیس محترم مولوي ضیاءالرحمن "سعید"، د مالي او حسابي رئیس محترم مشعل "حکمت" او دغه اداره کې د یاد سیسټم مربوطه کارکوونکو شتون درلود، د بشري سرچینو دمدیریت د معلوماتي سیستم د ( HRMIS) په اړه لازم معلومات شریک او د بایوګرافيکي پروسې د پلې کولو په موخه یې خبرې اترې وکړې.

د یاد پلاوي د مشر په وینا، نوموړی سيسټم د ملکي کارکوونکو د مرکزي معلوماتو بانک دی چې د هېواد په کچه د ام.ارتي وزارتونو او ریاستونو د بشري سرچینو د ستراتېژیک پلان جوړونې او مدیریت د څرنګوالي لپاره کارول کېږي.

نوموړي وویل، د دغه سیسټم کارول به د ملکي کارکوونکو کاري سوانح د له منځه تللو او ناسمو معلوماتو څخه مخنیوی کوي او په اسانۍ به د کارکوونکو سوانحو ته له لاسرسي او د اسنادو الکټرونیکي کېدو سره ډېره مرسته وکړي.

په ورته وخت کې، د زندانونو چارو د سمون ادارې د مالي او اداري عمومي رئیس محترم مولوي عبدالهادي مالي اخندزاده په یاد سیسټم کې د بایوګرافيک پروسې د پلې کولو په موخه د خوښۍ په څرګندولو سره وویل، دا اداره تل هڅه کوي چې کارونه په اصولي، شفاف او قانوني ډول مخ ته یوسي او اوس چې د غوره کاري چاپېریال لپاره د (HRMIS) سیسټم برابر شوی، نو دوی به یې د عملي کولو په موخه ډېره هڅه وکړي.

داراز، د زندانونو چارو د سمون ادارې د بشري سرچینو رئیس محترم مولوي سعید دغه سيسټم د کارکوونکو د سوانح په ساتلو او د کارونو د لاچټکتیا په هدف اړین وباله او زیاته یې کړه، چې په پلي کولو سره به یې په اداري چارو کې اسانتیاوې لازیاتې شي.

ربیع الاول ۱۲/ ۱۴۴۶

د مقام د دفتر ریاست

د اطلاعاتو او عامه اړیکو امریت