د کابل ولایت د څرخي پله د مرکزي محبس رئیس د دې محبس له پرسونل سره د همغږۍ ناسته ترسره کړله
د غه ناسته، چې د کابل ولایت د څرخي پله د مرکزي محبس رئیس محترم الحاج مولوي عبدالمالک "خاکسار" په مشرۍ جوړه شوې وه، په کې د یاد محبس امنیتي مرستیال محترم مولوي سید محمد"مسلم"، د مالي او اداري مرستیال مولوي حبیب ګل"مبارز" او یو شمېر نورو ملکي او نظامي مسوولینو هم ګډون درلود، د محبوسینو لپاره د غوره خدمتونو، ستونزو او غوښتنو ته د رسېدنې په موخه خبرې اترې وشوې.
دا راز، محترم مولوي خاکسار له محبوسینو او مراجعینو سره د لاښه چلند، امنيتي تدابیرو نیولو، منظمو خدمتونو او چاپېریال برابرولو په موخه لازمې لارښوونې وکړې.
همدا شان، په دې ناسته کې د ځینو نورو اړتیاوو په هکله هم بحث وشو او په دې تړاو اړوندو مسوولینو ته د شرعي اصولو سره سمې سپارښتنې وشوې.
ربېع الاخر ۲۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
