د کابل ولایت د څرخي پله مرکزي زندان رئیس د افغانستان لپاره د سره صلیب نړيوالې کمېټې مسوول او مل پلاوي سره په خپل کاري دفتر کې وليدل
محترم الحاج مولوي عبدالمالک "خاکسار" د سره صلیب نړیوالې کمېټې له مسوول او مل پلاوي سره د نوموړي زندان له زندانیانو د سره د هغوی د کورنیو غړیو د لیدو کتو (پایوازۍ ) بهیر او د هغوی د مرستو په اړه خبرې اترې وکړې.
دا راز، د دې لیدنې پرمهال محترم الحاج مولوي خاکسار د یاد زندان له زندانیانو سره د هغوی کورنیو د لیدو کتو (پایوازۍ) په اړه معلومات شریک کړل.
د څرخي پله د مرکزي محبس رئیس زیاته کړله، زندانیانو ته د نورو اسانتیاوو ترڅنګ د هغوی کورنیو غړیو ته د لیدو کتو په برخه کې لازمې اسانتیاوې برابرې کړي دي.
همداشان، د نوموړي کمېټې مسوول د زندان مسوولینو له لورې دوی سره د همکارۍ او ښې همغږۍ په پار د مننې ترڅنګ ژمنه وکړله، چې د کابل ولایت د څرخي پله مرکزي محبس له محبوسینو سره به خپلو مرستو ته دوام ورکړي.
ذوالحجة الحرام ۱۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
