د کابل ولایت د څرخي پله په ښځینه محبس کې (۴۳) تنو ښځينه محبوسینو  د شپږ میاشتیني خیاطۍ برنامې، (۱۹) تنو د سواد زده کړو او (۳۵) تنو د سیرت النبي (صلی الله علیه وسلم) د ازموینې ممتازو  زده کوونکو په پار ستاینغونډه جوړه شوه

په دې اړه په جوړو شویو مراسمو کې چې د زندانونو چارو د سمون ادارې د ښوونې او بیا روزنې رئیس محترم مولوي نظر محمد ‎"ناصري"، له عدلي او قضایي اورګانونو سره د اړیکو رئیس محترم مولوي عبدالله "حقیق"، د کابل ولایت د ښاري محکمې د درېم زون عمومي رئیس محترم مفتي هدایت الله "رحماني"، د دې ولایت د څلورم زون د دیوان جزا ښاري محکمې رئیس محترم مولوي حمدالله "احمدي"، یو شمېر مسوولینو او دیني  عالمانو او ښوونکو شتون درلود یادو محبوسینو ته د حضرت محمد مصطفی (صلی الله علیه وسلم) پر سیرت د خبرو ترڅنګ د یادې برنامې برابرول اړین وبلل او زیاته یې کړه چې له دې سره به دوی وکولی شي د خپل خوږ پیغمبر (صلی الله علیه وسلم)  له سیرت سره اشنا او د نوموړي مبارک سیرت په ژوند کې عملي کړي.

همدا راز، نوموړي زیاته کړه چې د محکومینو د اصلاح لپاره زندان یو اصل دی نو لازمه ده چې نوموړي کسان عبرت واخلي او له  خپلو تیر کړنو څخه لاس په سر، تقوا غوره او خپلو  زده کړو ته دوام ورکړي.

په ورته وخت کې، د عدلي او قضايي اورګانونو مسوولینو هم په خپل وار سره یادو مراسمو کې د زده کړو پر ارزښت خبرې وکړې او ویې ویل، د خوښۍ ځای دی چې د دغې برنامې تر چتر لاندې زندانیان د خپل بند په موده کې دیني، عصري او حرفوي زده کړې کوي د دې مودې تر پوره کېدو وروسته د یو اصلاح شوي وګړي په توګه خپلې کورنۍ او ټولنې سره یو ځای کېږي.

داراز، نوموړو مسوولینو یادې فراغت غونډې ته په خپلو خبرو کې زیاته کړي، هغه څوک چې په دیني برنامو کې یې برخه اخېستې وي او د اصلاح نښې په کې ښکاره شوي وي نو دوی به د سترې محکمې له عالي مقام سره یاده موضوع شریکه او له هغوی به وغواړي څو ستاسو د حبس په موده کې عفوه او تخفیف راولي.

همداشان، د یاد محبس محبوسینو هم په محبسونو کې دننه د دا ډول برنامو پرمخ وړل یو مثبت ګام وباله او د زندانونوچارو د سمون ادارې له رهبرۍ او مسوولینو څخه یې د مننې تر څنګ، د نورو دیني، عصري او حرفوي برنامو پر عملي کولو ټینګار وکړ.

دغه مراسم، (۹۶) تنو غارغو شویو محبوسینو ته د ستاینلیکونو په ورکړې او د خیر دعا په کولو پای ته ورسېدل.

جمادي الاول ۱۸/ ۱۴۴۶

د مقام د دفتر ریاست

د اطلاعاتو او عامه اړیکو امریت