ولایتي خبر(بادغیس) د بادغیس ولایت د زندان امر په مشرۍ یوه پلاوي د دې ولایت د جوند ولسوالۍ د توقیفخونې څخه ارزونه وکړله
د بادغیس ولایت د زندان امر محترم الحاج ملا سید باران "عدالتي" او مل پلاوي د جوند ولسوالۍ د توقیفخونې له اداري او امنیتي برخو څخه ارزونه وکړله او اړوندو مسوولینو څخه یې وغوښتل چې مراجعینو او تورنو سره ښه چلند او ستونزو ته په وخت رسېدنه وکړي.
داراز، نوموړي پلاوي د یادې توقیفخونې تورنو سره هم ولیدل د هغوی ستونزې او غوښتنې یې واورېدې او د حل په موخه یې ورته ډاډ ورکړ.
ذوالقعدة الحرام ۵/ ۱۴۴۶
د مقام د دفتر ریاست
د اطلاعاتو او عامه اړیکو امریت
