ولایتي خبرونه(فاریاب - پروان) د فاریاب ولایت د زندان د ودانۍ رنګمالي پای ته ورسېده
د زندانونو چارو د سمون ادارې د رهبرۍ په هڅو او د هېواد زندانونو ته د پاملرنې په لړ کې دا ځل د دغې ادارې له خوا د فاریاب ولایت د زندان د ودانۍ دننه او د بیرون ټولو برخو رنګمالي پای ته ورسېده.
د فاریاب ولایت د زندان مسوولین په وینا، یاده اداره هڅه کوي چې زندانیاتو ته د خدمت په موخه د ادارې پرسونل ته لازمې اسانتیاوې برابرې کړي څو وکولی شي په مناسبه فضا کې خپلې کاري چارې مخته یوسي.
د یو بل خبر له مخې، د سترې محکمې د تفتیش ریاست پلاوي د پروان ولایت له زندانه لیدنه وکړه
د دغه زندان مسوولینو د سترې محکمې د تفتیش ریاست څخه راغلي پلاوي سره ولیدل او د زندانیانو د محاکماتي چارو او دوسیو څېړلو په هکله یې ورسره خبرې وکړې.
داراز، پلاوي د پروان ولایت له زندانیانو سره هم له نژدې ليدلي د هغوی ستونزې او غوښتنې یې اورېدلي، چې زندانیانو د پلاوي په ورتګ خوښي څرګنده کړه او د خپلو جرمي دوسیو د ژر څېړلو غوښتنه يې ترې وکړه.
په ورته وخت کې، نوموړي پلاوي زندانیانو ته ډاډ ورکړ چې د دوی ستونزې او غوښتنې به اړوندو مسوولینو سره شریکي کړي.
رجب المرجب- ۹/ ۱۴۴۵
د مقام د دفتر ریاست
د اطلاعاتو او عامه اړیکو امریت
