ولایتي لنډ خبرونه

د غزني والي محترم اسحاق "اخندزاده" او مل پلاوي يې د دغه ولايت له زندانه د ليدنې په ترڅ کې د زندان له مسوولينو او پرسونل سره د بنديانو د وضعيت په اړه د خبرو اترو ترڅنګ، له خپله اړخه د لازمو همکاريو ژمنه کړې ده.
داراز، محترم اخندزاده د غزني ولايت د زندان رغنيزې چارې هم له نږدې ارزولي او د لاښه والي لپاره يې اړوندو مسوولينو ته ګټورې لارښوونې کړې دي.
د یو بل خبر له مخې، د زندانونو چارو د سمون ادارې د خپلې اړوندې مرکزي برخې له خوا، د پکتیا، نیمروز او کونړ ولایتونو زندانونو ته د کمپلو، پټوانو، جورابو، د حمام صابون، د جامو مینځلو پوډرو، د غاښونو د کریم او برسونو په ګډون ژمني، روغتیايي او یو شمېر نور د اړتیا وړ توکي استول شوي وو، چې د نوموړو زندانونو د مسوولينو له خوا پر بندیانو او محجوزینو باندې په شفافه توګه وويشل شول.

ربېع الثاني ۱۷/ ۱۴۴۴
د اطلاعاتو او عامه اړیکو ریاست