(۲۹۲) تنه افغان زندانیان په ایران کې ا.ا.ا. د زندانونو چارو د سمون ادارې مسوولینو ته وسپارل شول
د زندانونو چارو د سمون ادارې عمومي رئیس محترم الحاج مولوي محمد یوسف "مستري" د خپلو نه ستړې کېدونکو هلو ځلو په دوام، داځل ایران ته د خپل سفر په ترڅ کې د ایران اسلامي جمهوریت سره د افغان بندیانو د لېږد په هکله د هوکړې پر بنسټ، په داسې حال کې چې او یو شمېر نورو مسوولینو هم شتون درلود، (۲۹۲) تنه افغان زندانیان چې د بیلابیلو جرمونو په تور په دغه هېواد کې زندانیان وو، د ا.ا.ا. د زندانونو چارو د سمون ادارې مسوولینو ته وسپارل شول.
د زندانونو چارو د سمون ادارې عمومي ریاست د معلوماتو له مخې د یادو زندانیانو د لېږد پروسې په لړ کې هر یو به خپلو ولایتونو ته انتقالېږي او د حبس پاتې موده به شرعي او د هېواد نافذه قوانینو په رڼا کې هلته تېروي او له هغه وروسته به خپلو کورنیو ته سپارل کېږي چې په دې موده کې د یادې ادارې له لوري ورته د ژوندانه ټول سهولتونه، د دیني، عصري او حرفوي زده کړې او نورې چوپړتیاوې برابرې شوي.
هېره دې نه وي، چې تر دې دمخه هم د ایران اسلامي جمهوریت څخه ا.ا.ا. د زندانونو چارو د سمون ادارې ته یو شمېر زندانیان سپارل شوي و، چې د دې ادارې له لوري ورته ټول خدمتونه او د ژوند مناسب چاپېریال برابر شوي دي.
جمادي الثاني ۳/ ۱۴۴۷
د مقام د دفتر ریاست
اطلاعاتو او عامه اړیکو امریت
