د زندانونو چارو د سمون ادارې عمومي رئیس د کابل ولایت د ماشومانو د اصلاح او روزنې د مرکز مسوولینو ته د محجوزینو لپاره د لا ښو امکاناتو زیاتولو سپارښتنه وکړه

د دغې ادارې عمومي رئیس محترم الحاج مولوي محمدیوسف "مستري" د ادارې د مقام د حقوقي سلاکار محترم قاري رحمت الله "ګلزاد" او یوشمېر نورو مسوولینو په ملتیا د یو پلاوي په مشرۍ د کابل ولایت د ماشومانو د اصلاح او روزنې مرکز څخه د لیدنې پرمهال، د دغه مرکز له رئیس محترم مولوي نظرمحمد "ناصري" او اړوندو مسوولینو سره د یاد مرکز د وضعیت په اړه خبرې اترې او د لا ښه والي لپاره یې سلا مشورې وکړې.
تر هغې وروسته، د زندانونو چارو د سمون ادارې د عمومي رئیس په مشرۍ پلاوي د کابل ولایت د ماشومانو د اصلاح او روزنې مرکز کې د محجوزینو له ښوونځي لیدنه وکړه او تدریسي توکي یې وارزول.
په ورته وخت کې، محترم الحاج مولوي محمدیوسف "مستري" د یاد مرکز له خوا محجوزینو لپاره د برابرو شویو حرفوي روزنو له بېلابېلو برخو څخه هم لیدنه وکړه او هلته یې په همدې برخه کې د روزل شویو ماشومانو محجوزینو له لورې جوړ شوي مختلف توکي وکتل او د خوښۍ په څرګندولو یې له دغو محجوزینو وغوښتل، چې د خپل حجز موده دې په دې مرکز کې د دینی او عصري زده کړو او حرفوي روزنو پر زده کړو او روزنې تېره کړي، څو یې په خبره د دغې مودې تر پایته رسېدو وروسته ترې د خپل ځان، کورنۍ او هېواد ته ښه ګټه واخلي.   
داراز، د زندانونو چارو د سمون ادارې عمومي رئیس د نوموړي مرکز رئیس او مسوولینو ته د محجوزینو لپاره د لا ښو امکاناتو زیاتولو سپارښتنه هم وکړه.
همداشان، د کابل ولایت د ماشومانو د اصلاح او روزنې مرکز رئیس او مسوولینو د زندانونو چارو د سمون ادراې د رهبرۍ په شفقت او همکارۍ په دې مرکز کې د برابروشویو اسانتیاوو، لاسته راوړنو، د ماشومانو محجوزینو بیا روزنې او ځینو اړتیاوو په هکله د ادارې عمومي رئیس ته معلومات ورکړل، چې د هغه له خوا د یادو محجوزنو لپاره د ترسره شویو مثبتو کارونو ستاینه او د ستونزو د حل په موخه ژمنه وشوه.

شوال المکرم/ ۲۶/ ۱۴۴۵    
د مقام د دفتر ریاست
د اطلاعاتو او عامه اړیکو امریت