د زندانونو چارو د سمون ادارې د کشف او اوپراتېفي رئیس د یوه پلاوي په مشرۍ د میدان وردګ ولایت له زندان او د جرلیز ولسوالۍ له توقیفخونې لیدنه وکړه
د محترم مولوي عطامحمد "محمد" په مشرۍ دغه پلاوي له د دې ولایت د زندان او توقیفخونې څخه لیدنې پرمهال یې له اړوندو مسوولینو سره خبرې وکړې او هغوی هم ورته له خپله اړخه د زندانیانو او توقیفیانو لپاره د برابرو شویو امکاناتو، مرستو او لازمو خدمتونو په هکله بشپړ معلومات ورکړل، چې د پلاوي مشر یې تر اورېدو وروسته د خوښۍ په څرګندولو د هغو د لاښه والي لپاره ګټورې لارښوونې وکړې.
همداشان، د زندانونو چارو د سمون ادارې د کشف او اوپراتېفي رئیس او مل پلاوي یې د یاد زندان له زندانیانو سره هم له نږدې ولیدل، د هغوی روا غوښتنې یې واورېدې او د رسېدنې په موخه یې د زندان مسوولین متوجه کړل.
داراز، پلاوي د میدان وردګ ولایت د زندان د زندانیانو لپاره د روغتیايي چارو، پلورنځي، امنیتي پوستو، ټاورونو او قراولونو وضعیت وارزوه او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې
جمادي الاول ۱۶/ ۱۴۴۶
د مقام د دفتر ریاست
اطلاعاتو او عامه اړیکو امریت
