د زابل ولایت د زندان نظامي مرستیال او مل پلاوي یې د دې ولایت د شاجوی ولسوالۍ له توقیفخونې څخه ليدنه وکړله
د دغه ولایت د زندان نظامي مرستیال محترم مولوي داد الله "سیلاب" او مل پلاوي یې تېره ورځ د نوموړي ولایت د شاجوی ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو خبرې اترې وکړې.
دا راز، نوموړي د یاد ولایت د توقیفخونې له توقیفیانو سره هم ولیدل او هغوی له نوموړي پلاوي څخه د دوی د وضعیت او حال د ارزونې له کبله مننه وکړله.
په ورته وخت کې، مولوي سیلاب د نوموړې توفیفخونې د خوړو (اعاشې) اباتې، پخلنځي، تعمیراتي او روغتیايي چارو وضعیت ارزولی او د ستونزو حلولو او لازمو اسانتیاوو برابرولو په اړه يې معلومات راټول او له هغوی سره یې ژمنه کړې ، چې د زندانونو چارو د سمون ادارې رهبرۍ سره یاده موضوع شریکوي، څو په مرکز کې ورته حل لاره پیدا او په اړه یې مناسبه پرېکړه وشي.
رمضان المبارک ۱۱/۱۴۴۶
د مقام د دفتر ریاست
د اطلاعاتو او عامه اړیکو امریت
