د زندانونو چارو د سمون ادارې د پالېسۍ او مسلکي چارو مرستیال د اقتصاد وزات مالي او اداري مرستیال سره ولیدل
د زندانونو چارو د سمون ادارې د پالېسۍ او مسلکي چارو مرستیال محترم الحاج محمد کاظم "طارق"په داسې حال کې چې د یادې ادارې مالي او اداري عمومي رئیس محترم مولوي عبدالهادي "مالي اخندزاده"، د پالېسۍ او مسلکي چارو معاونیت د دفتر امر محترم خلیل الله "بکتاش" هم ورسره و، د اقتصاد وزارت اداري او مالي مرستیال محترم مولوي محمد عالم "جمیل" په مشرۍ راغلي پلاوي سره په خپل کاري دفتر کې ولیدل او د زندانونو چارو د سمون ادارې اړوندو ملکیتونو په اړه یې ورسره خبرې وکړې.
محترم الحاج محمد کاظم طارق د اقتصاد وزارت څخه راغلي پلاوي ته د ښه راغلاست ترڅنګ د زندانونو چارو د سمون ادارې اړوندو ملکیتونو د روښانو کولو په برخه د هر راز همکارۍ ډاډ ورکړ.
همداراز، د اقتصاد وزارت اداري او مالي مرستیال وویل زمونږ د راتګ موخه د امارتي ځمکو تثبیت دی، څو وکولی شي په دې برخه کې خلکو ته ډاډ ورکړي.
ذوالقعده الحرام ۲۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
