د لغمان ولایت د زندان ۳۴ تنه زندانیان د قرانکریم د ناظرې او یو تن د حفظ له برخې فارغ شول
د دغه زندان د مسوولینو په هڅو د دیني زده کړو له پروګرامونو څخه د فراغت په دوام، دا ځل ۳۴ تنه زندانیانو د ناظرې او یو تن د قرانکریم حفظ برخه پایته ورساوله، چې نوموړي په نورو دیني زده کړو کې د برخې اخیستلو په موخه لا وهڅول شول.
د لغمان د زندان امر محترم قاري عبیدالله "حقاني" یادو مراسمو ته په خبرو کې په داسې حال کې، چې د کابل ولایت د توقیفخونو رئیس محترم قاري محمد ګل "جګرخون" او د دې ولایت یو شمېر علماوو، ملکي او نظامي مسوولینو هم شتون درلود له فارغو شویو زندانیانو سره ژمنه وکړه، چې ورته به د ښوونې او بیاروزنې پروسې د ښه والي او چټکوالي لپار خپلې هڅې لا ګړندۍ کړي.
په ورته وخت کې، د کابل ولایت د توقیفخونو رئیس محترم قاري محمد ګل "جګرخون" د دغه ولایت د زندان د مربوطه مسوولینو له خوا د دې زندان زندانیانو ته د زده کړو د ښه چاپېریال رامنځته کولو په موخه د ځانګړې مننې ترخوا نوموړو ته لارښوونه وکړه څو په دې برخه کې لانور ګټور ګامونه پورته کړي.
جمادي الثاني ۵/ ۱۴۴۵
د مقام د دفتر ریاست
د اطلاعاتو اوعامه اړيکو امریت
