د بغلان د زندان پرسونل او زندانیانو تر منځ د والیبال دوستانه سیالۍ ترسره شوې
د دغه ولایت د زندان مسوولین زیاتوي، تېره ورځ یې په یاد زندان کې د ورزش مینه والو زندانیانو او پرسونل د ټېمونو ترمنځ دوستانه سیالۍ ترسره شوې.
نوموړو مسوولینو په وینا دغو سیالیو موخه د دواړو لورو ترمنځ د یوې ښې سالمې فضا رامنځ ته کول وو، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي او پرمټ یې روحي او جسمي روغتیا او سلامتیا ترلاسه کړي.
په ورته وخت کې، د بغلان ولایت د زندان زندانیانو د یادو دوستانه سیالیو د برابرولو له امله مسوولینو څخه د مننې ترڅنګ ژمنه وکړه چې د زندان له خوا به په نورو جوړو شویو مثبتو پروګرانونو کې هم د تل په شان برخه واخلي.
د یو بل خبر له مخې، د بغلان د زندان رهبرۍ پلاوي د دې ولایت د مرکزي بغلان ولسوالۍ له توقیفخونې څخه لیدنه وکړه او مسوولینو ته یې د توقیفیانو د محاکماتي چارو د لا اسانتيا او د نورو ښو خدمتونو برابرولو په هدف لازمې لارښونې وکړې.
شعبان المعظم ۲۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
