د غزني ولایت په زندان کې د څلورو بېلابېلو شعباتو لپاره نوې خونې ګتې اخیستنې ته وسپارل شوې
د زندانونو چارو د سمون ادارې په مالي لګښت د یاد ولایت په زندان کې د اداري چارو د لا ښه تنظیم او اسانتیاوو د برابرولو په موخه، مالي او اداري امریت، د انسجام او پالېسۍ، د پيژند او کارکوونکو چارو او حاضرۍ مدیریت شعباتو لپاره نوې خونې جوړې او ګتې اخیستنې ته وسپارل شوې.
د نوموړي ولایت د زندان رئیس محترم مولوي محمد نور "بلال شاهین" وايي، یادې خونې د اداري، تخنیکي او مسلکي اړتیاوو په نظر کې نیولو سره جوړې شوې دي، چې ورسره به اړوندو شعباتو د کارونو بهیر منظم، چټک، اغیزمن او کارکوونکو د کاري چاپېریال د ښه والي په برخه کې لا زیاتې اسانتیاوې برابرې شي.
د زندان رئیس زیاتوي چې د زندانونو چارو د سمون اداره به په دوامداره توګه د بنسټیزو اسانتیاوو د پراختیا، اداري ظرفیت لوړولو او د کاري چارو د معیاري کولو لپاره خپلې هڅې جاري وساتي.
رجب المرجب ۲/۱۴۴۷
د مقام د دفتر ریاست
د اطلاعاتو او عامه اړیکو امریت
