د زندانونو چارو د سمون ادارې د ګومارنو، تشکيلاتو او د چارو د تنظيم کمېسیون په شپږمه ناسته کې د دې ادارې پر یو شمېر حقوقي او تخنيکي مسایلو بحث اوخبرې اترې وشوې
ياده ناسته چې نن(چهار شنبې) د زندانونو چارو د سمون ادارې سرپرست او د دې ادارې د پالېسۍ او مسلکي چارو مرستيال محترم قاري عبدالله "همدرد" په مشرۍ او د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده"، د نظامي چارو د معاونیت د ارکان رئیس محترم پاسوال الحاج اسدالله "مولانا"، د خدماتو رئیس محترم مولوي عبدالمالک "خاکسار"، له عدلي او قضایي اورګانونو سره د اړیکو رئیس محترم مولوي عبدالله "حقیق"، د کشف او اوپراتیفي رئیس محترم مولوي عطا محمد "محمد" د نظامي ښوونې او روزنې د واحدې قوماندانۍ قوماندن محترم مولوي شرافت الله "حقاني"، د پژند مدیر محترم مولوي شاه محمد "مفکر" او د پالېسۍ او مسلکي چارو معاونیت د دفتر امر محترم خلیل الله "بکتاش" په ګډون جوړه شوې وه، په کې د مرکز او ولايتونو د زندانونو اداري ګومارنې د فورمو د ارزونې او د ګومارنې د اصولو رعایتولو تر څنګ، په ځینو نورو اړتیا وړ مهمو تخنیکي موضوعګانو په هکله خبرې اترې وشوې.
داراز، په دې ناسته کې د ځینو نورو اړتیا وړ مهمو موضوعګانو په هکله بحث وشو او په دې تړاو اړوندو مسوولینو ته لازمې لارښوونې هم وشوې.
د یادونې وړ بولو، چې د نوموړي کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او مربوطه مهمو مسایلو څېړل، بحث او د شرعي اصولو او تقنيني اسنادو په رڼا کې پرېکړې کول دي.
ربیع الاول ۱۲/ ۱۴۴۵
د مقام د دفتر ریاست
د اطلاعاتو او عامه اړیکو امریت
