ولايتي خبرونه(غزني- تخار- بدخشان- کندز - بغلان) د غزني ولایت په زندان کې یو کتابتون جوړ او ګټې اخیستنې ته وسپارل شو

د غزني ولایت د زندان رئیس محترم قاري عبدالغني "عادل" په وینا یاد کتابتون د زندانونو چارو د سمون ادارې په مالي لګښت جوړ او ګټې اخیستنې ته وسپارل شو.
داراز، محترم قاري عادل د یاد کتابتون د پرانیستو پر مهال د یاد زندان له زندانیانو څخه وغوښتل چې خپل وخت بې ځایه تیر نه کړې د نوموړي کتابتون څخه په ګټې اخیستنې سره مطالعه وکړي.
په ورته وخت کې، زندانیانو د یاد کتابتون پر جوړیدو خوښي څرګنده کړه او ادارې څخه یې مننه وکړه چې د نورو اسانتاوو تر څنګ یې دوی ته یو کتابتون هم پرانیستو.
نوموړو زندانیانو ژمنه وکړه چې له یاد کتابتون څخه به په ډیرې لېوالتیا سره ګټه پورته کوي. 

د یو بل خبر له مخې د زندانونو چارو د سمون ادارې يوه پلاوي د تخار، بدخشان، کندز، او بغلان ولایتونو له زندانونو څخه لیدنه وکړه

د زندانونو چارو د سمون ادارې د عمومي رئیس محترم مولوي محمديوسف "مستري" په سپارښتنه، د ادارې د مرکزي برخې استازي محترم قاري رحیم الله"مدني" په مشرۍ یو پلاوي د تخار، بدخشان، کندز او بغلان ولایتونو له زندانونو څخه د ليدنې ترڅنګ له مسوولینو سره یې د يادو زندانونو پر اړوندو مسایلو خبرې وکړې.
داراز، پلاوي زیاته کړه چې د بدخشان ولایت د زندان بریښنا ستونزه هواره شوه او له دې وروسته به یاد زندان په ۲۴ ساعته توګه بریښنا ولري. 
همداراز پلاوي د بغلان ولایت له مرستیال والي سره ولیدل د یاد زندان د بریښنا ستونزه یې ورسره شریکه کړه چې په دې برخه کې د یاد ولایت مرستیال والي له خوا ورسره د  همکارۍ ژمنه وشوه. 
د نوموړي پلاوي د یادو ولایتونو زندانونو له زندانیانو سره په کتنه کې د هغوی د خوړو (اعاشې)، اباتې، پخلنځی، تعمیراتي او صنعتي چارو وضعیت ارزولی او د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه معلومات راټول او له هغوی سره یې ژمنه وکړه ، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.

شعبان المعظم- ۱۳/ ۱۴۴۵
د مقام د دفتر ریاست 
د اطلاعاتو او عامه اړیکو امریت