د غزني ولایت د زندان له زندانیانو سره د خوراکي توکو مرسته وشوه
د غزني د زندان د مسوولینو په هڅو، د دې ولایت د صرافانو ټولنې له لوري د دغه زندان له زندانیانو سره د خوراکي توکو مرسته وشوه.
د غزني ولایت د زندان رئیس محترم قاري عبدالغني "عادل" په وینا، یادو مرسته شویو توکو کې، کلچې، نقل، چاکلیټ او داسې نور لازم توکي موجود وو، چې د یاد زندان د مسوولینو له خوا په پوره شفافیت د نوموړي زندان پر زندانیانو وويشل شول.
همدا راز، د غزني ولایت د زندان رئیس د صرافانو د ټولنې څخه د یادو خوراکي توکو د مرستې په موخه مننه وکړه او له نوموړو یې د ورته نورو مرستو او همکاریو پر دوام ټینګار وکړ.
شوال المکرم ۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
