ولایتي خبرونه (ننګرهار، سمنګان) د ننګرهار ولایت د زندان ښوونې او بیا رزونې امریت او د دې ولایت د اداري اصلاحاتو او ملکي خدمتونو په ګډه همکارۍ د نوموړي ولایت د زندان (۳۰) تنو کاروکوونکو او د توقیفخونو امرینو ته درې ورځنی ورکشاپ ترسره شو
د یاد ورکشاپ ګډونوالو ته د دې ولایت د اداري اصلاحاتو او ملکي خدمتونو ادارې استادانو له لورې د مدیریت د اساساتو، مکتوب لیکنې، پلان جوړونې، او راپور لیکنې په اړه هراړخیز معلومات ورکړل شول.
داراز، ننګرهار ولایت د زندان رئیس محترم مولوي محمد مقتدا "حفیظ الله" د یادې ادارې د مسوولینو څخه په مننې دغه ورکشاپ ګټور یاد کړ او زیاته کړه چې دا ډول ورکشاپونه نه یوازې د کارکوونکو د مهارتونو په لوړولو کې مرسته کوي بلکي اداري چارو په پرمختګ کې هم اغیزمن رول لري.
د یو بل خبر له مخې، د زندانونو چارو د سمون ادارې د څارنې او ارزونې ریاست د فعالیتونو او ارزونې پلاوي له لورې د سمنګان ولایت د زندان کار کوونکو ته د پلان جوړونې او د راپور وړاندې کولو په اړه یو ورځنۍ سمینار ورکړل شو
داراز، د سمنګان ولایت د زندان امر د یاد ریاست له مسوولینو څخه د مننې ترڅنګ د کارکوونکو د پوهې لوړنې په برخه کې دا ډول سمینارونه اړین یاد کړل او د ورته نورو برنامو جوړولو پر دوام یې تینګار وکړ.
ربیع الثاني ۲۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
