د زندانونو چارو د سمون ادارې د کشف او اوپراتېفي رئیس او مل پلاوي یې د لغمان ولایت له زندانه لیدنه وکړله
د زندانونو چارو د سمون ادارې د عمومي رئیس محترم مولوي محمد یوسف "مستري" په سپارښتنه، د ادارې د کشف او اوپراتېفي رئیس محترم مولوي شکور "طیب" د یو پلاوي په مشرۍ لغمان ته په سفر ولاړ او هلته یې د یاد ولایت د زندان له مسوولینو سره په اړوندو مسایلو خبرې اترې وکړې.
داراز، پلاوي د نوموړي زندان ټولې اداري او تخنیکي چارې ارزولي او د زندانیانو د ستونزو حلولو، لازمو اسانتیاوو برابرولو او روا غوښتنو ته د رسېدنې په اړه يې معلومات راټول او له هغوی سره یې ژمنه وکړله ، چې د زندانونو چارو د سمون ادارې رهبري به پرې خبروي، څو یې په مرکز کې حل لاره پیدا او په اړه یې مناسبه پرېکړه وشي.
رجب المرجب ۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
