د کابل ولایت د څرخي پله د مرکزي محبس رئیس د دې محبس له نظامي مسوولینو سره ځانګړې ناسته ترسره کړله
د کابل ولایت د څرخي پله د مرکزي محبس رئیس محترم الحاج مولوي عبدالمالک "خاکسار" د یاد محبس له نظامي مسوولینو سره په ناسته کې د محبوسینو لپاره د غوره خدمتونو، ستونزو او غوښتنو ته د رسېدنې په موخه خبرې اترې وکړې.
په دغې ناسته کې د محترم الحاج مولوي خاکسار له لوري یادو مسوولیتو ته په خبرو کې له محبوسینو سره د لا ښه چلند، ورزشي برنامو، دیني، عصري، حرفوي زده کړو، شرعي او انساني حقونو او سهولتونو د برابرولو او اړوند ستونزو ته د رسېدنې په موخه لازمې لارښوونې وشوې.
د ناستې په پای کې د کابل ولایت د څرخي پله د مرکزي محبس نظامي مسوولینو هم په خپلو خبرو کې ډاډ ورکړ چې د تل په څېر به له محبوسینو سره د اسلامي اصولو سره سم چلند کوي او نوموړو ته به ټولې اسانتیاوې برابروي.
ذوالقعده ۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
