د غزني ولایت په زندان کې د محبس کارکوونکو ترمنځ په اسلامي نظام کې د اطاعت رسالې تر عنوان لاندې سیالي ترسره شوه.
په دغه سیالۍ کې چې د دې ولایت د زندان کارکوونکو برخه اخیستې وه، د الکوثر فکري او فرهنګي بنسټ او د نوموړي زندان د ښوونې او بیا روزنې امریت لخوا په شفافه توګه ترې ازموینه واخیستل شوه.
په دې اړه جوړو شویو مراسمو کې، د غزني مرستیال والي محترم الحاج حافظ عبد الرشید "عمري"، د زندان رئیس محترم ملا محمد نور "بلال شاهین"، د نوموړي ولایت د علماوو، نظامي محکمې، استیناف محکمې، فرامینو او نظارت رئیسانو په ګډون یو شمېر سیمه ییزو مسوولینو هم شتون درلود، ویناوالو ته په خپلو خبرو کې د دې زندان کارکوونکو ته دې دیني زده کړو او مطالعې په ارزښت خبرې وکړې او له کارکوونکو څخه یې وغوښتل چې د دیني زده کړو په ترلاسه کولو او د پوهې په لوړولو کې خپلې هڅې لا زیاتې کړي.
همدا راز، دې یادې سیالۍ (۴۰) تنو هغه ګدونوالو چې یاد درسي کتاب یې بشپړ معالعه کړی وو، (۱۰) تنو ممتازو زده کوونکو ته لیپټاپ کمپیوټرونه او الفجر ساعتونه د ډالۍ په توګه ورکړل شول.
په پای کې، د غزني مرستیال والي محترم الحاج حافظ عبد الرشید "عمري" د یاد ولایت د زندان له زندانیانو سره هم ولیدل او هغوی ته یې په خبرو کې وویل چې د زندانونو چارو د سمون ادارې له خوا په چمتو شویو ښوونیزو برنامو کې پوره لیوالتیا سره برخه واخلئ څو ستاسو د اصلاح سبب او د بند مودې په پوره کېدو سره سم د سالمو او ګټورو وګړو په څېر ټولنې ته وړاندې شئ.
محرم الحرام ۲۰/ ۱۴۴۷
د مقام د دفتر ریاست
د اطلاعاتو او عامه اړیکو امریت
