د زندانونو چارو د تنظیم ادارې عمومي رئیس هلمند ولایت ته د یو رسمي سفر په ترڅ کې د دې ولایت له والي سره ولیدل
د زندانونو چارو د تنظیم ادارې عمومي رئیس محترم الحاج مولوي محمد یوسف "مستري" د هلمند والي محترم الحاج مولوي امانالدین "منصور" سره د ولایت په مقام کې ولیدل.
په دې لیدنه کې د هلمند د زندان او د ولایت په کچه د نورو توقیفخونو د عمومي وضعیت، اداري او تخنیکي چارو، شته ستونزو او د هغو د حللارو په اړه هر اړخیز بحث او خبرې وشوې.
همداراز، د اړوندو ادارو ترمنځ د لا ښې همغږۍ، د زندانیانو د چارو د منظم تنظیم او د زندانونو د وضعیت د لا ښه والي په موخه د ګډې همکارۍ پر پیاوړتیا ټینګار وشو.
د هلمند والي الحاج مولوي امانالدین منصور د محترم الحاج مولوي محمد یوسف مستري هرکلی وکړ او د یادو موضوعاتو په برخه کې یې د ولایت مقام له لوري د هر اړخیزې همکارۍ او همغږۍ ډاډ ورکړ.
په پای کې، دواړو لورو د زندانونو او توقیفخونو د چارو د لا ښه تنظیم، د شته ستونزو د حل او د اړوندو چارو د پرمختګ لپاره د ګډو هڅو پر دوام ټینګار وکړ.
ربیع الثاني ۲۵/ ۱۴۴۸
د مقام د دفتر ریاست
د اطلاعاتو او عامه اړیکو امریت
