د زندانونو چارو د سمون ادارې تخنیکي او مسلکي کمېټې په خپله نهمه ناسته کې پر یو لړ مهمو حقوقي مسایلو بحث وکړ
د زندانونو چارو د سمون ادارې د پالېسۍ او مسلکي مرستیال محترم قاري عبدالله "همدرد" په مشرۍ او دتخنیکی اومسلکی کمېټې د رئیس محترم مولوي عبدالله "حقیق" او د مرکزي برخو غړو رئیسانو په ګډون نن( سې شنبې) دپالیسی اومسلکی معاون صاحب په کاری دفتر کی یوه غونډه جوړه شوه، چی په کې د تورنو او بندیانو د تسلیمۍ او ازادېدو په بهیر کې د ننګونو او حللارو په اړه له حقوقي، مسلکي، تخنیکي او شرعي اړخه هراړخیزې خبرې اترې او مشورې وشوې.
دغه راز، په دې ناسته کې پر یو شمېر اړوندو کاري مهمو مسایلو هم بحث او د نظرونو تبادله وشوه.
د یادونې وړ بولو، چې د زندانونو چارو د سمون ادارې تخنیکي او مسلکي کمېټې د رامنځته کېدو موخه، د یادې ادارې د جوړو شویو کړنلارو، لایحو او لارښودونو ارزونه او د نویو لارښودونو طرح کول او نورو ناڅرګندو مسایلو څپړل او بحث کول دي.
ربېع الثاني ۶/ ۱۴۴۴
د اطلاعاتو او عامه اړیکو ریاست
