د کندهار د زندان د موظفینو له خوا ۸۸۵۰ ګرامه ضبط شوي نشه یي توکي وسوځول شول
یاد توکي، چې (۳۱۷۳) ګرامه شیشه، (۴۷۶۸) ګرامه چرس او (۹۰۹) ګرامه تریاک وو او د تېرو ۱۶ میاشتو په ترڅ کې د دغه ولایت د زندان د بېدارو امنیتي او کشفي موظفینو له خوا د پایوازۍ په ورځو کې له قاچاق کوونکو پایوازانو سره یوځای د کره تلاشۍ پرمهال کشف او ضبط کړي وو، پرون د ا.ا.ا. د عاليقدر مشرتابه(حفظه الله) د فرمان او د کندهار د ابتداییه محکمې د حکم پربنسټ او د دې ولایت د امنیه قوماندانۍ، استخباراتو، د عامه امنیت د دیوان د استازو او د نوموړي زندان د مسوولینو په شتون کې د یادې محکمې په انګړ کې وسوځول شول.
د محرم الحرام ۲۳/ ۱۴۴۵
د مقام د دفتر ریاست
د اطلاعاتو او عامه اړیکو امریت
