د زندانونو چارو د سمون ادارې د ګومارنو، تشکيلاتو او د چارو د تنظيم په کمېسیون کې د تېرې ناستې په دوام په اړوندو موضوعاتو بحث وشو
ياده ناسته چې نن(شنبې) د دغې ادارې د پالېسۍ او مسلکي چارو مرستيال محترم قاري عبدالله "همدرد" په مشرۍ او د ادارې د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده" او د کمېسیون د یو شمېر غړو رئیسانو په ګډون جوړه شوې وه، د تېرې ناستې پر دوام په یو لړ نورو مهمو حقوقي او تخنیکي مسایلو بحث او په اړه یې د کميسیون د رهبرۍ له لوري د اصولو او تقنیني اسنادو په رڼا کې لازمې پرېکړې وشوې.
داراز، په دې ناسته کې د ګومارنو ځینو پاڼو په اصولې ډول مخته وړلو او اړتیا وړ مهمو موضوعاتو په هکله هم بحث وشو او په دې تړاو اړوندو مسوولینو ته د شرعي او قانوني اصولو په مطابق د لارښوونې ترڅنګ لازمې پریکړې وشوې.
د یادونې وړ بولو، چې د نوموړي کمېسیون د رامنځته کېدو موخه د ادارې د تشکيلاتو، ګومارنو او د چارو د سمون او مربوطه مهمو مسایلو څېړل، بحث او د شرعي اصولو او نافذه قوانینو په رڼا کې پرېکړې کول دي.
جمادي الاول ۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
