د زندانونو چارو د سمون ادارې د ۱۴۰۱ مالي کال پر تشکیلاتو د بحث لپاره غونډه جوړه شوه
د زندانونو چارو د سمون ادارې د بشري سرچینو رئیس محترم قاري محمد ګل "جګرخون" او د ادارې د ملکي او نظامي تشکیلاتو اړوندو مسوولینو نن(سې شنبې) د ا.ا.ا د چارو ادارې عمومي ریاست له خوا د دولت د تشکیلاتو د تحلیل او بیاارزونې برخې مرستیال محترم عبدالحسیب "مسعودي" او د اداراتو د تشکیلاتو له کارپوه محترم فایز احمد "بابکرخېل" سره د يوې غونډې پرمهال، د ۱۴۰۱مالي کال لپاره د زندانونو چارو د سمون ادارې د ملکي او نظامي تشکیلاتو پر څرنګوالي خبرې وکړې.
همداشان، په دې غونډه کې د دغې ادارې د یادو تشکیلاتو پرځینو هغو مواردو هم بحث وشو، چې روښانه نه وې.
د زندانونو چارو د سمون اداره، د خپلو چارو معياري کېدو او له اړتيا سره سم د تشکيلاتو برابرولو ته ژمنه ده او په خپل دې کار سره غواړي، چې د ښې حکومتولۍ په بهير کې يوه غښتلې اداره وي.
ربېع الثاني ۱۳/ ۱۴۴۴
د اطلاعاتو اوعامه اړيکو رياست
