ولایتي خبرونه: (پکتیکا، میدان وردک) د پکتیکا ولایت د زندان امر او مل پلاوي د دې ولایت د یحیی خیلو او جاني خیلو ولسوالیو له توقیفخونو ليدنه وکړله

د دې ولایت د زندان امر محترم مولوي احسان الله "صلاح الدین" او مل پلاوي تېره ورځ د نوموړي ولایت د یحیی خیلو او جاني خیلو ولسوالیو له توقیفخونو څخه د لیدنې پرمهال د یادو توقیفخونو له مسوولینو سره په اړوندو مسایلو خبرې وکړې.

همداراز، پلاوي د نوموړ ولسوالیو د توقیفخونو له توقیفیانو سره هم ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ، د خپلو جرمي دوسیو د ژر څېړلو غوښتنه وکړله، چې د پلاوي له لورې د هغوی دې غوښتنې ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.

په ورته مهال، د یادو توقیفخونو له ملکي او نظامي مسوولینو سره هم له نږدې وکتل او دواړو خواوو د دغو ولسوالیو د توقیفیانو د ستونزو د حل په موخه سلا مشورې وکړې.

میدان وردګ:

د یو بل خبر له مخې، د میدان وردک ولایت د زندان نظامي کارکوونکو ته د ظرفیت لوړونې په موخه یو ورځينی سمینار پای ته ورسېده

دغه سمینار، چې دیاد زندان د پلان او اوپراسیون او پیژند امریتونو له لورې د پلان جوړولو او اړوندو چارو په اړه ګډونوالو ته زندانیانو د ساتنې او پالنې په اړه هر اړخیز معلومات ورکړل شول.

د میدان وردک ولایت د زندان امر مولوي محمد هاشم "حقاني" دا ډول سمینارونه د کارکوونکو د وړتیاوو او پوهې لوړونې په موخه مهم یاد کړل او زیاته کړله چې په راتلونکې کې هم د ورته نورو ښوونیزو او روزنیزو پروګرامونو برابرولو ته ژمن دي.

ذوالقعده ۱۷/ ۱۴۴۷

د مقام د دفتر ریاست

د اطلاعاتو او عامه اړیکو امریت