د زندانونو چارو د سمون ادارې د رهبرۍ شورا غونډه کې پر ځینو اړینو او مهمو مسایل خبر اترې او مشورې وشولې
دغه غونډه، چې نن(چهارشنبې) د دې ادارې د عمومي رئیس محترم الحاج مولوي محمدیوسف "مستري" په مشرۍ او د پالېسۍ او مسلکي چارو مرستیال، د نظامي چارو مرستیال او د ادارې د مرکزي برخو نورو رئیسانو، امرینو او د نظامي برخې مسوولینو په ګډون جوړه شوې وه، په کې د ادارې پر یو شمېر حقوقي او تخنیکي مسایلو او زندانیانو ته د لاښو خدمتونو وړاندې کولو په هکله خبرې اترې او په اړه یې د اصولي او تقنیني اسنادو په رڼا کې لازمې پرېکړې وشولې.
داراز، په یاده غونډه کې يو شمېر رئیسانو د چارو لا نور ښه والي لپاره خپل نظرونه، مشورې او وړاندیزونه د زندانونو چارو د سمون ادارې له رهبرۍ سره شریک کړل، چې د رهبرۍ محترم مقام يې په اړه لازمې لارښوونې وکړلې.
رجب المرجب ۲۸/ ۱۴۴۶
د مقام د دفتر ریاست
د اطلاعاتو او عامه اړیکو امریت
