د زندانونو چارو د سمون ادارې د مرکزي برخو ترمنځ د همغمږۍ غونډه جوړه شوه
دغه غونډه، چې نن(چهارشنبې) د زندانونو چارو د سمون ادارې د نظامي مرستیال محترم پاسوال قاري حبیب الله "بدر" په مشرۍ او د ادارې د مالي او اداري عمومي رئیس محترم مولوي عبدالهادي مالي "اخندزاده"، د کابل ولایت د زندانونو چارو د سمون رئیس محترم مولوي عبدالله "حقیق" او یو شمېر نورو ملکي او نظامي برخو رئیسانو په ګډون جوړه شوه، د دې ادارې پر مربوطه تخنیکي مسایلو بحث او غور وشو. داراز، محترم بدر په یاده غونډه کې د ادارې د ټولو ریاستونو تر منځ د مرکز او ولایاتو په کچه د همغږۍ پر لا ډېرولو او ښه کولو ټینګار وکړ او له مسوولینو یې وغوښتل، څو د خپلو فعالیتونو او خدمتونو ترسره کولو په بهیر کې د لاسته راوړنو د غښتلي کولو، د ستونزو حلولو او راتلونکي لپاره د منظمو او رغندو پلانونو جوړولو لپاره ډېره هڅه وکړي. د زندانونو چارو د سمون ادارې رهبري او مسوولین تل هڅه کوي، څو د هرډول ستونزو پروخت حل، د چارو پروړاندې د خنډونو لرې کولو او مثبتو موخو ته د رسېدو لپاره په خپلو منځونو کې همغږي ولري او د دا ډول غونډو پرمهال یې په اړه سلا مشورې وکړي. ربېع الاول- ۱/ ۱۴۴۴ د اطلاعاتو او عامه اړیکو ریاست
