د زندانونو چارو د سمون ادارې د نظامي معاونیت د ارکان رئیس په مشرۍ پلاوي د هلمند ولایت د زندان د پایوازۍ بهیر له نږدې وارزوه
د دغې ادارې د نظامي چارو معاونیت د ارکان رئیس محترم الحاج پاسوال اسدالله "مولانا"په مشرۍ پلاوي د هلمند ولایت د زندان د پایوازۍ بهیر د ارزونې په ترڅ کې د دې زندان د ښځينه ملاقات ځای چې چارې یې د زندانونو چارو د سمون ادارې له لوري اتیا فیصده بشپړې شوي هم لیدنه وکړه او اړوندو مسوولینو ته یې دنده وسپارله، څو په دغه بهیر کې ستونزې حل او لا زیاتې اسانتیاوې برابرې کړي.
داراز، نوموړي پلاوي یادو مسوولینو ته په خبرو کې دا هم وویل چې خپلو مسوولیتونو ته د پاملرنې تر څنګ پایوازانو سره ښه چلند وکړي.
په پای کې، د زندانونو چارو د سمون ادارې د نظامي چارو معاونیت د ارکان رئیس محترم الحاج پاسوال اسدالله مولانا په مشرۍ پلاوي د دې زندان له پایوازانو سره له نږدې ولیدل ستونزې او غوښتوې یې ترې واورېدې چې نوموړو د پیوازۍ په برخه کې د تګ راتګ او نورو اسانتیاوو برابرولو په پار له پلاوي مننه وکړه.
ربیع الثاني ۱۱/ ۱۴۴۶
د مقام د دفتر ریاست
د اطلاعاتو او عامه اړیکو امریت
