د زندانونو چارو د سمون ادارې د پالېسۍ او مسلکي چارو مرستيال د دې ادارې له مسوولینو سره د معرفت ناسته ترسره کړله
د دغې ادارې د پالېسۍ او مسلکي چارو مرستيال په خپل کاري دفتر کې د دې ادارې له یو شمېر رئیسانو امیرینو او د ملکي او نظامي برخو مسوولینو سره د معرفت ناسته ترسره کړله
داراز، په دې ناسته کې د پالېسۍ او مسلکي چارو مرستيال محترم الحاج مولوي محمد کاظم طارق په خپلو خبرو کې وویل: چې د ادارې چارو د لا پیاوړتیا په موخه باید سره په ګډه ونډه واخلو څو چارې په همغږۍ سره د شرعي اصولو او د افغانستان نافذه قوانینو په رڼا کې مخ ته لاړې شي.
همداراز، نوموړي یادو مسوولینو ته د مرکز او ولايتونو د زندانونو د زندانیانو، توقیفیانو او محجوزینو په هکله د غوره خدمتونو د برابرولو په موخه یو شمېر لازمې لارښونې هم وکړې.
په پای کې، د دغې ناستې مسوولینو هم د ادارې د پالېسۍ او مسلکي چارو محترم مرستيال ته ډاډ ورکړ چې ورسپارل شوې چارې به په رښتینولۍ سره سرته رسوي.
رمضان المبارک ۱۳/ ۱۴۴۶
د مقام د دفتر ریاست
د اطلاعاتو او عامه اړیکو امریت
