د زندانونو چارو د سمون ادارې یوه پلاوي د کابل ولایت له نشه یي توکو سره د مبارزې توقیفخونې څخه ارزونه وکړله
تېره ورځ د دغې ادارې د کشف او اوپراتېفي رئیس محترم مولوي عبدالشکور "طیب" په مشرۍ يوه پلاوي د کابل ولایت له نشه یي توکو سره د مبارزې توقیفخونې څخه د لیدنې په ترڅ کې د نوموړې توقیفخونې له امر محترم مولوي عبداللطیف"سجاد" سره پر اړوندو موضوعګانو خبرې اترې وکړې.
په ورته وخت کې د پلاوي له لوري د یادې توقیفخونې مسوولينو ته د سهولتونو لا زیاتولو په تړاو لازمې لارښوونې وشوې او له نوموړو څخه یې وغوښتل څو له توقیفیانو سره د ښه چلند ترڅنګ د هغوی ستونزو ته پروخت رسېدنه وکړي.
داراز، د ادارې د کشف او اوپراتېفي د رئیس په مشرۍ پلاوي د دې توقیفخونې له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برابرولو ژمنه وشوه.
داراز، پلاوي د دې توقیخونې پخلنځی، تعمیراتي او روغتیايي چارې، امنیتي پوستې، ټاورونه او قراولونه وارزول او د شته ستونزو د حل لپاره یې اړوندو مسوولینو ته لازمې او د پام وړ لارښوونې وکړې.
ذوالقعده ۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
