د غزني ولایت زندان د امام ابوحنیفه (رح) مدرسې څخه لسګونه تنه نارینه او ښځینه محبوسین د قرآن کریم حفظ، تجوید، ناظرې او سواد زده کړو برخو څخه فارغ شول
د فراغت په دې مراسمو کې، د ښوونې او بیا روزنې رئیس محترم مولوي نظر محمد "ناصري" د غزنې ولایت د زندان رئیس محترم قاري عبدالغني "عادل"، د علماوو شورا رئیس، د دې ولایت د مقام دفتر رئیس، یو شمېر مسوولینو، دیني عالمانو او د زندانیانو کورنیو غړو ګډون درلود، د غونډې ګډونوالو مسوولینو د زندانیانو ښوونې روزنې او پالنې ته پاملرنه وستایله او له زندانیانو څخه وغوښتل چې خپل وخت بې ځایه تېر نه کړي او دغه طلایي فرصت څخه ګټه پورته او د بند مودې پوره کېدو سره سم په دیني عصري او حرفوي زده کړو سمبال او د سالمو وګړو په توګه له ټولنې سره یو ځای شي.
د مراسمو په پای کې د قرآن کریم حافظانو، د تجوید او ناظرې د برخو زده کړیالانو ته د نوموړو مسوولینو او دیني عالمانو له لورې د فضلت پګړۍ ور پرسر او د خیر دعا ورته وشوه.
د یادولو ده چې د قرآن کریم یو تن حافظ ته د قرآن عظیم شان د حفظ په پار د اسلامي امارت اړوندو ادارو د پرېکړې پر بنسټ د بند پاتې موده معاف او له زندان څخه خوشې کړل شو.
جمادي الثاني ۱۴/ ۱۴۴۶
د مقام د دفتر ریاست
د اطلاعاتو او عامه اړیکو امریت
