د کابل ولایت د څرخي پله د مرکزي محبس د اول بلاک لپاره نوی قوماندان په دنده وګومارل شو
د دې ولایت د مرکزي محبس مسوولینو له لورې محترم حاجي حبیب الله د سمونملۍ په بست کې د یاد محبس د اول بلاک د قوماندان په توګه د بلاک پرسونل ته معرفي او رسماً یې په دې بست کې خپله دنده پیل کړله.
داراز، په دې اړه په جوړو شویو مراسمو کې د کابل ولایت د توقیفخونو رئیس محترم قاري محمد ګل "جګرخون" د نوموړي محبس د مخکیني قوماندان کړنې او فعالیتونه وستایل او د یاد بلاک له پرسونل څخه یې له اوسني مسوول سره د همکارۍ او په ګډه د چارو ښه پرمخ وړلو غوښتنه وکړله.
داراز، محترم حاجي حبیب لله هم د ادارې له خوا ده ته د دې مسوولیت د سپارلو له کبله مننه وکړله او ویې ویل چې دا مسوولیت یو امانت دی او په ښه توګه د ساتلو ترڅنګ به ورسپارل شوې چارې پروخت ترسره کوي.
جمادي الثاني ۲۹/ ۱۴۴۶
د مقام د دفتر ریاست
د اطلاعاتو او عامه اړیکو امریت
