د کندهار ولایت د توقیفخونو د کارکونکو د ظرفیت لوړونې په موخه درې ورځینی سمینار پیل شو
د زندانونو چارو د سمون ادارې د عمومي رئیس محترم مولوي محمدیوسف "مستري"ّ په سپارښتنه او د هېواد زندانونو ته د پاملرنې په لړ کې دا ځل د کندهار ولایت د توقیفخونو د کارکونکو د ظرفیت لوړونې په موخه درې ورځینی سمینار پیل شو.
داراز، د کندهار زندان د مسولینو په وینا، یاد سمینار یې د تجربه لرونکو ښوونکو له خوا پیل کړی چې له دې سره به د دې ولایت د توقیفخونو کارکونکو ته د توقیفیانو د ساتنې د هغوی سره د ښه چلند او ورته د غوره اسانتیاوو برابرولو تر څنګ نور د اړتیا وړ او مهم موضوعات شریک شي.
د یو بل خبر له مخې یو تن پایوازه چې غوښتل یې یو اندازه نشه یي توکي (چرس) او یو ځیرک ټیلفون د پروان ولایت زندان ته ولېږدوي، د دغه زندان د بیدارو امنیتي او کشفي ښځینه ارګانونو له خوا د کره تلاشۍ پرمهال ترې کشف، ضبط او له لېږدوونکې سره یوځای د یوې دوسیې په ترڅ کې رسماً اړوندې برخې ته د لا نورو څېړنو لپاره وسپارل شوه.
محرم الحرام ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت
