ولایتي خبرونه (میدان وردګ- بغلان- سرپل- بامیان) د میدان وردګو ولایت د زندان امر او مل پلاوي یې د دې ولایت د جلرېز ولسوالۍ له توقیفخونې څخه لیدنه و
د میدان وردګو ولایت د زندان امر او مل پلاوي یې د دې ولایت د جلرېز ولسوالۍ ته په سفر لاړ او هلته یې د توقیفخونې له مسوولینو سره د توقیفیانو لپاره د اسانتیاوو رامنځ ته کولو په موخه خبرې وکړې.
داراز، پلاوي د نوموړې توقیفخونې د خوړو(اعاشې)، اباتې، پخلنځی او بېلا بېلې تعمیراتي او روغتیايي چارې، په جلا جلا توګه وارزولې او د شتو ستونزو د حل لپاره یې اړوندو مسوولینو ته لازمې سپارښتنې وکړې.
د یو بل خبر له مخې، د بغلان ولایت له ښځینه محبس او د ماشومانو د اصلاح او روزنې له مرکز سره په افغانستان کې د ملګرو ملتونو د مرستندویه ادارې یا یونیسف له لوري چې د ژمي لپاره توده جمپرونه ، بوټونه، پټوګان، خولۍ ، دسکشو او جورابو په شمول یو شمېر نور لازم توکي شامل دي د نوموړو مرکزونو مسوولینو ته وسپارل شول.
په ورته وخت کې، د دغه ولایت د زندان مسوولینو د یادې مرستندویه ادارې څخه د مننې ترڅنګ یادې مرستې اړینې و بللې او ویې ویل چې یاد توکې به په پوره امانتوالۍ او روڼه توګه په محجوزینو او ښځینه محبوسینو ووشي.
د یو بل خبر له مخې، د سرپل ولایت د امر باالمعروف او نهي عن المنکر پلاوي د دې ولایت د زندان له مسوولینو سره ولیدل او په اړوندو موضوعګانو یې ورسره خبرې وکړې.
داراز، نوموړي پلاوي د دې زندان له پرسونل او زندانیانو سره هم ولیدل او هغوی ته یې لارښوونه وکړه څو ځانونه په نبوي سنتو برابر او پنځه وخته لمونځ په جماعت سره ادا کړي.
بل لور بیا، د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او د هېواد زندانونو ته د پاملرنې په لړ کې دا ځل د بامیان ولایت د زندان د کارکونکو د ظرفیت لوړونې په هدف یو ورځینی سیمینار وړاندې شو.
د بامیان د زندان د مسولینو په وینا، یاد سیمینار یې د تجربه لرونکو ښوونکو له خوا پیل کړی چې له دې سره به د دې زندان کارکونکو ته د زندانیانو د ساتنې له هغوی سره د ښه چلند، داعاشې، اباتې، دبندیانو د انتقال، د هغوی د تسلیمولو طریقه او ورته د غوره اسانتیاوو برابرولو تر څنګ نور د اړتیا وړ مهم موضوعات شریک شول.
رجب المرجب ۲۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
