د زندانونو چارو د سمون ادارې عمومي رئیس په جینوا کې د سره صیلب نړېوالې کمیټي د نړیوالو زندانونو د څار مسوول او د سره صلیب کمېټې له مشرې سره و کتل
محترم مولوي محمد یوسف "مستري" په خپل کاري دفتر کې چې د مقام د دفتر رئیس محترم عبیدالله "اخلاص"، د مقام حقوقي سلاکار محترم قاري رحمت الله "ګلزاد"، د تعمیراتو رئیس محترم مولوي عبدالرحمان او د اقتصادي برنامو رئیس محترم ډاکټر سید احمد "اسحاقزی" هم ورسره وو، په جینوا کې د سره صیلب نړېوالې کمیټي د نړیوال زندانونو د څار مسوول ښاغلي تیري "کیټ" او د افغانستان لپاره د سره صلیب نړیوالې کمېټې (ای سي ار سي) له مشرې اغلې کاتارینا "ریټز" په مشرۍ پلاوي سره په کتنه کې د دواړو لوریو پرخپلمنځي همغږۍ زیاتولو، یو له بل سره په کډو همکاریو، تخنیکي مرستو ، د زندانیانو د روغتیا او د هغوی اعاشې او اباتې په اړه ورسره بحث وکړ.
د زندانونو چارو د سمون ادارې عمومي رئیس محترم مولوي محمدیوسف مستري د یادې کتنې په ترڅ کې په جینوا کې د سره صیلب نړېوالې کمیټي د نړیوالو زندانونو د څار مسوول او د ای سي ار سي له مخکینیو مرستو مننه وکړه او هیله مندي یې وښوده چې په هېواد کې نورې ملي او نړیوالې مرستندویه موسسې دې هم له دغې ادارې سره د مرستو او کارکوونکو د ظرفیت لوړونې په موخه د کړو ژمنو عملي کولو بهیر چټک کړي.
داراز، په جینوا کې د سره صیلب نړېوالې کمیټي د نړیوالو زندانونو د څار مسوول او د سره صلیب نړیوالې کمېټې پلاوي هم د خپلو همکاریو پر دوام ټینګار وکړ او له دغې ادارې څخه یې د نوموړې کمېټې له خوا زندانیانو او زندانونو ته په شفافه توګه د مرستو رسولو او ویشلو لپاره د همغږۍ او زمینې برابرولو په موخه خوښي څرګنده کړه.
ذوالقعدة الحرام ۱۳/ ۱۴۴۵
د مقام د دفتر ریاست
اطلاعاتو او عامه اړیکو امریت
