د پکتیا د زندان رئیس او مل پلاوي یې د دې ولایت له دوو توقیفخونو ليدنه وکړه
د پکتیا د زندان رئیس محترم مولوي سهیل خان "سعید" او مل پلاوي یې د دې ولایت د ځاځي اریوب او څمکنیو ولسوالیو له توقیفخونو څخه لیدنه وکړه او د یادو توقیفخونو له مسوولینو سره یې پر اړوندو مسایلو خبرې اترې او د چارو لا ښه پرمخ وړلو لپاره یې سلا مشورې وکړې.
په ورته وخت کې، یاد پلاوي د نوموړو توقیفخونو وضعیت له نږدې وارزاوه، له توقیفیانو سره یې وکتل، د هغو د حال پوښتنه یې وکړه او هغوی هم له نوموړي پلاوي څخه د دوی د وضعیت او حال د ارزونې له امله د مننې تر څنګ خپلې ستونزې او غوښتنې شرېکې کړې، چې د پلاوي له لورې د هغوی غوښتنو ته د رسېدنې، لکه د تل په شان د هغوی د انساني او شرعي حقونو رعایتولو او ورته د لازمو اسانتیاوو د لا زیاتولو ژمنه وشوه.
داراز، پلاوي د یادو توقیفخونو مسوولینو ته په ټینګار سره وویل، چې د توقیفیانو د محکماتي چارو لا چټکتیا او هغوی ته د لا نورو ښو خدمتونو وړاندې کولو په موخه پاملرنه زیاته کړي.
محرم الحرام ۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
