د زندانونو چارو د سمون ادارې د ښوونې او بیا روزنې رئیس او مل پلاوي یې د کابل ولایت له نشه يي توکو سره د مبارزې له توقیفخونې څخه لیدنه وکړه
د دغې ادارې د ښوونې او بیا روزنې رئیس محترم مولوي نظر محمد "ناصري" او مل پلاوي د کابل ولایت له نشه يي توکو سره د مبارزې توقیفخونې له مسووولینو سره په لیدنه کې د پرسونل او توقیفیانو د ښوونېزو چارو په اړه بحث وکړ.
داراز، د زندانونو چارو د سمون ادارې د ښوونې او بیا روزنې رئیس محترم مولوي نظر محمد ناصري په وینا د نوموړي توقیفخونې د پرسونل او توقیفیانو لپاره یې د دیني مدرسې ځای مشخص کړی او اړوند لازم توکي به ورته ډېر ژر برابر او په نږدې وخت کې به پرانېستل شي.
همدا راز، د نوموړي په وینا موخه یې توقیفیان په اسلامي فکر او روحیه روزل دي څو په راتلونکي کې له دلته ورکړل شوېو زده کړو او وړتیا څخه په ګټې اخیستنې سره خپلې کورنۍ او ټولنې ته د ښه خدمت جوګه شي.
صفر المظفر ۱۷/ ۱۴۴۶
د مقام د دفتر ریاست
د اطلاعاتو او عامه اړیکو امریت
