د زندانونو چارو د سمون ادارې د څارنې او ارزونې رئیس د یوه پلاوي په مشرۍ د کابل ولایت د څرخي پله مرکزي محبس او د کابل ولایت د توقیفخونو ریاست له کانتینونو څارنه او ارزونه وکړله
د دې ادارې د څارنې او ارزونې رئیس محترم مولوي عطا محمد"محمد" په مشرۍ پلاوي په داسې حال کې، چې د یادې ادارې د اقتصادي برنامو او ستراتیژیکو اړیکو رئیس محترم عبیدالله "اخلاص"، د سلب ازادۍ په ځایونو د څارنې رئیس محترم داریوش " مجددي"، د شخصیتي دوسیو امر محترم مولوي فضل احمد "احمدي" او یو شمېر نورو مسوولینو یې ملتیا کوله د نوموړي زندان او توقیفخونو له کانتینونو څخه د څارنې او ارزونې پرمهال اړوندو مسوولینو سره خبرې وکړې او د زندانیانو لپاره د لا غوره خدمتونو د رامنځ ته کولو په تړاو یې ورته لازمې لارښوونې وکړې.
همداشان، د نوموړې ادارې د څارنې او ارزونې رئیس په مشرۍ پلاوي د یاد زندان د کانتینونو د نرخنامې، د خوراکي توکو تاریخ، د غیر قانوني توکو د خرڅلاو مخنیوي، د خرڅلاو توکو د څرنګوالي، د پاکوالي مراعاتول او له زندانیانو سره د پېر او پلور پر مهال د اړوند کانتینونو څښتنو چلند ارزونه وکړله.
په پای کې، د زندانونو چارو د سمون ادارې د څارنې او ارزونې رئیس محترم مولوي عطا محمد"محمد" په مشرۍ پلاوي د څرخي پله مرکزي محبس او دکابل ولایت د توقیفخونو ریاست د کانتینونو څرنګوالي ارزونه تر ډېره مثبته یاده کړله او د توکو په لا ښه کیفیت یې ټینګار وکړ.
ذوالحجه الحرام ۱۹/۱۴۴۶
د مقام د دفتر ریاست
د اطلاعاتو او عامه اړیکو امریت
