د زندانونو چارو د سمون ادارې نظامي مرستیال د کورنيو چارو وزارت د روغتيا عمومي رئیس سره ولیدل
د نوموړې ادارې نظامي چارو مرستیال محترم لوی پاسوال قاري حبیب الله "بدر" په داسې حال کې چې د ادارې یو شمېر نورو رئیسانو یې بدرګه کوله د کورنيو چارو وزارت د روغتيا رئیس محترم مولوي صدیق الله بدر سره د لیدنې ترڅنګ د دې ادارې (۵۰) بستریز روغتون په اړه له مسوولینو سره یې د روغتیايي خدمتونو د کیفیت، همغږۍ او همکاریو پر لا ښه والي خبرې وکړې.
په دغه لیدنه کې چې د نوموړي ادارې د نظامي چارو مرستیال او روغتون مسوولینو او مسلکي کارکوونکو حضور درلود، محترم مولوي صدیق الله بدر د دې ادارې اړوند روغتون د خدماتو ستاینه وکړله او ویې ویل چې د یاد روغتون طبي ټیم د زندانیانو د درملنې، رسیدنې او روغتیایي پاملرنې په برخه کې د پام وړ هڅې کړې دي.
همدا شان، د زندانونو چارو د سمون ادارې د روغتیا رئیس محترم ډاکټر سید احمد "اسحاقزي"زیاته کړله چې په راتلونکي کې د دواړو روغتونونو ترمنځ به همغږي لا پراخه شي، څو د امکاناتو، تجربو او تخصصونو د شریکولو له لارې د ناروغانو روغتیايي اړتیاوې لا پیاوړې شي، نوموړي زياته کړله چې د دې ادارې د صحيې مسوولين د عامې روغتیا وزارت اصولو ته ژمن پاتې کېږي او د زندانیانو او پرسونل لپاره به روغتیايي خدمتونه لا معیاري کړي.
ذوالحجة الحرام ۲۶/ ۱۴۴۶
د مقام د دفتر ریاست
د اطلاعاتو او عامه اړیکو امریت
